काठमाडौँ । भिजिट भिसामा कुवेत उडाइन लागेका २४ जना युवतीहरू त्रिभुवन अन्तर्राष्ट्रिय विमानस्थलबाट फिर्ता भएका छन् । मानव तस्करीको आशंकामा विमानस्थल अध्यागमनले उनीहरूलाई फर्काइएको अध्यागमन अधिकृत यज्ञराज अर्यालले प्रशासनलाई बताए ।

उनीहरू हिमालयन एयरलाइन्सको बिहीबार राति ९ः४५ को उडानबाट कुवेत जान लागेका थिए । दुबई हुँदै कुवेत जान लागेका उनीहरूसँग एकातिरको बोर्डिङ पास र अर्कातिरको भिसा भएको फेला परेपछि राति नै फिर्ता गरिएको विमानस्थल अध्यागमन अधिकृत अर्यालले बताए ।

अर्यालका अनुसार उनीहरूसँग दुबईको भिसा र कुवेतको बोर्डिङ पास थियो । घटनामा एक जना पुरुषलाई प्रहरीले नियन्त्रणमा लिएर सोधपुछ गरिएको थियो ।