काठमाडौँ । चलचित्र ‘ह्रस्व दीर्घ’को दोस्रो गीत सार्वजनिक भएको छ । मंगलबार रिलिज भएको ‘भगवान नै आमा हुन्’ बोलको गीत सार्वजनिक भएको हो । उक्त गीतमा आमाको महिमा वर्णन गरिएको छ ।

सत्यराज आचार्यको स्वर रहेको गीतमा बाबुल गिरीको शब्द रचना र संगीत रहेको छ । गीतमा सन्तानका लागि आमाले गर्ने संघर्ष, त्याग र समर्पणको भाव प्रस्तुत गरिएको छ ।

चलचित्रमा हरिहर अधिकारी, नीता ढुंगाना, ब्रह्मानन्दम, अली, कवीर दुहान सिंह, प्रदीप रावत, सुनिल वर्मा र प्रशान्त ताम्राकार, सञ्चीता लुइँटेल, विपना थापा, सरोज खनाल, नरेन खड्का, गरिमा शर्मा, रवीन्द्र झा, आदर्श मिश्र, बुद्धि तामाङ र किरण केसीलगायत कलाकारको अभिनय रहेको छ ।