काठमाडौँ । भारतीय राजनीतशास्त्री प्रतापभानु मेहताले विश्वका कुनै पनि लोकप्रियतावादी नेताहरूले आर्थिक चुनौतीहरूलाई समाधानलाई प्राथमिकता नदिएको बताएका छन् ।

आग आयोजित एक कार्यक्रममा मेहताले अमेरिकादेखि भारतसम्मका चुनावको उदाहरण दिँदै पपुलिस्ट नेताहरूले आर्थिक चुनौतीका मुद्दालाई चुनावी एजेन्डा नबनाएको बताएका हुन् ।

ल्याटिन अमेरिकाका केही मुलुकका पपुलिस्ट नेताले चुनावी एजेन्डामा अर्थतन्त्र सुधारका मुद्दा अगाडि सारेको उनको भनाइ थियो । त्यस्तै मेहताले पपुलिस्ट नेताहरूले विभिन्न मुद्दाहरूलाई उठाएर राजनीति गर्ने गरेको उनको भनाइ छ ।

मोदीदेखि ट्रम्पसम्मका नेताहरूले पुरानो संरचनालाई आफ्नो सत्रुका रूपमा अगाडि सारेको पनि मेहताले बताए । पपुलिस्ट नेताहरूले लोकतान्त्रिक संस्थानहरूलाई कमजोर बनाउने गरेको पनि उनले बताए ।

त्यस्तै एकल पहिचानको राजनीति पनि उनीहरूको प्राथमिकतामा पर्ने गरेको उनको भनाइ छ । पछिल्लो समय भारतका विभिन्न दल र अमेरिकामा कमला ह्यारिससम्मले लोकतन्त्र संकटमा छ भनेर चुनाव लडेको पनि उनले बताए ।