काठमाडौँ । पतञ्जलि जग्गा हिनामिना प्रकरणमा पूर्वप्रधानमन्त्री माधव नेपालसँगै मुद्दा परेका भक्तपुरको सूर्यविनायक नगरपालिकाका मेयर वासुदेव थापाको पद निलम्बन नहुने भएको छ ।

हिजो (बिहीबार) अख्तियारले नेकपा एकीकृत समाजवादीका अध्यक्ष समेत रहेका नेपालसहित ९३ जनाविरुद्ध मुद्दा दर्ता गरेको थियो ।

मेयर थापाले पनि हदबन्दी छुट जग्गा किनेका थिए । त्यसैको आधारमा उनलाई अख्तियारले प्रतिवादी बनाएको हो । त्यही जग्गा जफतको प्रयोजनको लागि मात्रै उनीलाई प्रतिवादी बनाइएकाले मेयर पद निलम्बन नहुने अख्तियारले जनाएको छ ।