काठमाडौँ। पाँचथरको कुम्मायक गाउँपालिका वडानम्बर २ र ३ को सिमानामा पर्ने कात्तिके डाँडामा भएको दुर्घटना स्थलबाट छ जनालाई उद्धार गरिएको छ । स्थानीयले घाइतेहरूलाई उद्धार गरी धरानतर्फ पठाएका छन् ।

डिएसपी अनीश कुमार कर्णका अनुसार अहिलेसम्म मानवीय क्षतिको जानकारी आएको छैन । छ जना घाइतेलाई उपचारका लागि अस्पताल पठाइएको छ । डिएसपी कर्ण नेतृत्वको टोली पनि घटनास्थल पुगेको छ । पानी परेको कारण उद्धारमा समस्या भएको छ ।

डिएसपी कर्णका अनुसार गाडीमा कति जना सवार थिए भन्नेबारे यकिन भएको छैन ।