काठमाडौं । रसुवाको भोटेकोशी नदीमा आएको विनाशकारी बाढीबाट प्रभावित चिलिमे जलविद्युत् आयोजनाको टनेलभित्र फसेकाहरूको खोजी तथा उद्धारका लागि खटिएको टोली टनेलभित्र प्रवेश गरेको छ ।

शुक्रबार बिहानैदेखि एक्स्काभेटर प्रयोग गरेर टनेलको प्रवेश क्षेत्रमा थुप्रिएको भग्नावशेष, ढुंगामुढा, कंक्रिट तथा लेदो पन्छाउने काम गरेपछि उद्धार टोली टनेलभित्र प्रवेश गरेको हो ।

उद्धार टोली टनेलभित्र प्रवेश गरेर फसेकाहरूको खोजी तथा अवस्थाबारे जानकारी लिने काम अघि बढाइरहेको छ ।

बाढीले थुपारेको बाक्लो लेदो र भग्नावशेष हटाउँदै टनेलतर्फ जाने बाटो खुलाइएको थियो । बाटो खुलेपछि उद्धार टोली टनेलभित्र प्रवेश गरी खोजी कार्य अघि बढाएको हो ।

टनेलभित्र फसेका श्रमिक तथा अन्य व्यक्तिहरूको अवस्था पत्ता लगाएर सुरक्षित उद्धार गर्ने उद्देश्यले टोलीले खोजी कार्यलाई निरन्तरता दिएको छ ।