नेपाल प्रहरी सम्बन्धी कानुनलाई संशोधन तथा एकीकरण गर्न बनेको विधेयकले बढुवा समितिले जम्मा तीन अंक दिने प्रावधान ल्याउन लागेको हो। प्रहरी नियमावली २०७१ मा बढुवा समितिले ७.५ अंक दिने व्यवस्था छ।
मंगलबार संसदमा दर्ता भएको विधेयकले अन्य अंकहरूमा पनि हेरफेर गरेको छ। कार्यसम्पादन मूल्यांकनबापत ४० अंकबाट बढाएर ५० अंक बनाउने प्रस्ताव सरकारले गरेको छ।
ज्येष्ठताको पनि २२ अंकबाट २७ अंक बनाउने भएको छ। शैक्षिक योग्यता पहिले १० अंक दिइन्थ्यो। तर अहिले तीन वटा तहमा वर्गीकरण गरिएको छ।
राजपत्र अनंकीतको लागि ५ अंक दिइने भएको छ। राजपत्रांकीत द्वितीय र तृतीय श्रेणी र प्रथम र विशिष्ट श्रेणीका लागि ८ अंक दिने प्रस्ताव यस विधेयकमा गरिएको छ।
तालिम बापत ७.५ अंक दिइँदै आएको छ। अब नयाँ विधेयकले अनंकीतका लागि १० र बाँकी तहका लागि ८-८ अंक दिने प्रस्ताव भएको छ।
प्रतिक्रिया