काठमाडौँ । सेयर बजारको नेप्से परिसूचक बुधबार १.८६ अंकले बढ्दै २६८५ अंकमा कायम भएको छ। सामान्य वृद्धि भए पनि कारोबार रकम भने उल्लेखनीय रूपमा बढेको छ। अघिल्लो दिन ७ अर्ब २४ करोड रहेको कारोबार आज ८ अर्ब ७१ करोड पुगेको छ।

यस दिन १३४ कम्पनीको सेयर मूल्य बढ्दा ९९ कम्पनीको घट्यो भने ११ कम्पनी स्थिर रहे। विकास बैंक, फाइनान्स, र लगानी क्षेत्रका सेयरमा लगानीकर्ताको आकर्षण देखिएको छ। विकास बैंक १.३३%, फाइनान्स १.५६%, तथा लगानी समूह १.२२% ले उकालो लागेका छन्।

बीमा समूहको उचाइ, हाइड्रोपावर र बैंकिङ घट्नेतर्फ
जीवन बीमा समूह ०.४८% ले बढ्यो, तर बैंकिङ ०.०९%, होटल तथा पर्यटन ०.६३%, हाइड्रोपावर ०.०४%, उत्पादन ०.३१%, माइक्रोफाइनान्स ०.११%, निर्जीवन बीमा ०.०३%, अन्य ०.४७%, र व्यापार समूह ०.९१% ले ओरालो लागे।

सबैभन्दा धेरै वृद्धि र गिरावट
सबैभन्दा धेरै गार्डियन माइक्रोलाइफ इन्स्योरेन्सको सेयर १०% ले उकालो लाग्यो। त्यसैगरी, रिभरफल्स पावर ८.०२%, न्यादी हाइड्रोपावर ७.५९%, ग्रीन डेभलपमेन्ट बैंक ७.४६%, सिन्धु विकास बैंक ७.०८%, र भूगोल इनर्जी ७.०७% ले बढे।

त्यस्तै, उपकार लघुवित्त र सुपर मादी हाइड्रोपावरको सेयर १०% ले घट्यो। रसुवागढी हाइड्रोपावर ९.३%, बाराही हाइड्रो ४.८% ले कमजोर देखिए।

उच्च कारोबार गर्ने कम्पनीहरू
कारोबार रकमका आधारमा एनआरएन इन्फ्रास्ट्रक्चर, सीईडीबी होल्डिङ्स, रिभरफल्स पावर, न्यादी हाइड्रोपावर, र सप्तकोशी विकास बैंक क्रमशः अग्रस्थानमा रहे।