फिफा विश्वकप-२०२६ अन्तर्गत भर्खरै सकिएको क्वार्टरफाइनल खेलमा इंग्ल्यान्डले नर्वेविरुद्ध जित हासिल गरेको छ। अतिरिक्त समयमा इंग्ल्यान्डले नर्वेलाई २-१ गोल अन्तरले पराजित गर्दै सेमिफाइनलमा प्रवेश गरेको हो।  निर्धारित समयमा दुवै टोलीले १-१ गोलको बराबरी गरेपछि खेल अतिरिक्त समयमा धकेलिएको थियो।  अतिरिक्त समयको ९३औँ मिनेटमा जेड बेलिंघमले व्यक्तिगत दोस्रो गोल गर्दै इंग्ल्यान्डको जित सुनिश्चित गरेका हुन्। खेलको दोस्रो हाफमा दुवै टोलीले गोल गर्न सकेनन्।

अमेरिकाको मियामी स्टेडियममा जारी खेलमा पहिलो गोल खेलको ३६औँ मिनेटमा नर्वेका एन्ड्रियास स्केल्डरअपले गरेका थिए।  तर, त्यसको ११ मिनेटपछि नै पहिलो हाफको इन्जुरी समयमा जेड बेलिंघमले गोल गर्दै इंग्ल्यान्डलाई बराबरीमा ल्याएका थिए।  आजै बिहान पौने सात बजेदेखि सुरु हुने अर्को क्वार्टरफाइनल खेलमा अर्जेन्टिना र स्विट्जरल्यान्ड खेल्दैछन्।  आज विजयी हुने टोली सेमिफाइनमा जानेछ भने हार्ने टोली प्रतियोगिताबाट बाहिरिने छ।