काठमाडौैं । सहकारी ठगी र रकम अपचलन अभियोगमा फरार रहेका गोर्खा मिडियाका अध्यक्ष जिबी राईले आफू नेपाल फर्किएर समस्या समाधान गर्न तयार रहेको बताएका छन्।

सेतोपाटीमार्फत सार्वजनिक गरिएको अडिओ र प्रेस नोटमा राईले आफूलाई खोज्न शक्ति–संयन्त्र प्रयोग गरिरहनु नपर्ने र आफू आफैँ अदालत र कानुनसामु उपस्थित हुन तयार रहेको दाबी गरेका छन्।
उनले रवि लामिछाने र छविलाल जोशीलाई यस प्रकरणमा नजोड्न आग्रह गर्दै, साथीभाइबाट व्यवस्थापन गरिएको जग्गा बेचेर भए पनि बचतकर्ताको रकम फिर्ता गर्ने प्रतिबद्धता जनाएका छन्।
सरकारी स्रोतका अनुसार सरकारले खोजी कार्य र दबाब तीव्र पारेपछि असुरक्षित महसुस गरेर राईले यस्तो सन्देश जारी गरेको आकलन गरिएको छ।