काठमाडौं । “दैनिक एक घुट्की वा थोरै मदिरा (रक्सी/वाइन) सेवन गर्दा स्वास्थ्यलाई असर गर्दैन वा फाइदा गर्छ” भन्ने धारणालाई विश्व स्वास्थ्य संगठन (WHO) र आधुनिक चिकित्सा विज्ञानले पूर्ण रूपमा खारेज गरिदिएका छन्।

वैज्ञानिक अनुसन्धानहरूका अनुसार मदिराको कुनै पनि मात्रा (इभन अ सिङ्गल ड्रप) स्वास्थ्यका लागि सुरक्षित मान्न सकिँदैन।

थोरै मात्रामा लिइने मदिराले पनि कलेजो, मस्तिष्क, मुटुको धड्कन र रक्तचापमा नकारात्मक असर पुर्‍याउनुका साथै कम्तीमा ७ प्रकारका क्यान्सर (विशेष गरी स्तन, कलेजो र आन्द्राको क्यान्सर) को जोखिम बढाउँछ। स्वास्थ्यविद्हरूका अनुसार मदिराको ‘सुरक्षित मात्रा’ भन्ने अवधारणा नै वैज्ञानिक रूपमा गलत र भ्रमपूर्ण छ।