लुम्बिनीका लागि कप्तान रोहितकुमार पौडेलले सर्वाधिक ३४ रन बनाए । उनले ३० बलमा तीन चौका र एक छक्का प्रहार गरे । निरोशन डिकवेलाले २७ रन जोडे । दीलिप नाथले २५, ओपनर आसिफ शेखले २१, रुबेन ट्रम्पेलमले १५ र समिम हुसेनले १३ रन बनाए ।

जनकपुरका लागि विशाल सुस्लिङ र राहुल यावदले समान दुई विकेट लिए । ललित राजवंशी, कप्तान हर्मित सिंह र अभिषेक तिवारीले समान एक विकेट लिए ।

ललित जारी सिजनमा गोल्डेन डक आउट गर्ने पहिलो बलर बने । उनले लुम्बिनीका डार्सी सर्टलाई ‘गोल्डेन डक’ आउट गर्दै पभेलियन फर्काए । ललितले पहिलोे ओभरको पहिलो बलमा डार्सीलाई राहुल यादवबाट क्याच गराएका हुन् । डार्सीले ललितविरुद्ध चौका प्रहार गर्ने प्रयास गर्दा राहुलबाट क्याच हुन पुगेका थिए ।

खेलमा शीर्ष स्थानमा रहेको लुम्बिनी जित निकाल्दै तालिकामा अंक दुरी बढाउने लक्ष्यमा छ । पाँच अंक बटुलेको लुम्बिनीले तीन खेल खेल्दा दुई जित निकालेको छ । टोलीको एक खेल भने वर्षाका कारण रद्द भएको थियो ।

जनकपुर भने जित निकाल्दै शीर्ष स्थानमा उक्लने लक्ष्यमा छ । जनकपुर चार अंकका साथ तालिकाको चौथो स्थानमा छ । जनकपुरले चार खेल खेल्दा समान दुई जित र हार व्यहोरेको छ ।