काठमाडौं । अफगानिस्तानका हसन इशाखिलको अर्धसतक मद्धतमा चितवन राइनोजले एनपिएलको १५औं खेलमा तेस्रो जित निकालेको छ । लगातार तेस्रो खेलमा जित निकालेको सुदूरपश्चिम चितवनसँग ३३ रनले पराजित भएको हो ।

आइतबार कीर्तिपुरस्थित त्रिवि क्रिकेट मैदानमा टस जितेर ब्याटिङ गरेको चितवनले निर्धारित २० ओभरमा ५ विकेट गुमाउँदै एक सय ६५ रनको लक्ष्य दिएको थियो । प्रत्युत्तरमा १८.२ ओभरमा अलआउट हुँदा मात्र १३१ रन बनाउन सक्यो ।

चार खेलबाट सुदूरपश्चिमको ६ अंक छ । चितवनको पनि चार खेलबाट ६ अंक रह्यो । दुबै टोलीले समान एक खेल हारेका छन् ।

सुदूरपश्चिमको लागि इशान पाण्डेले सर्वाधिक ३५ र सैफ जैव १८ रन बनाए । चितवनको लागि रिजन ढकाल, कुशल मल्ल, जान निकोल इटन र अमार रौटेलाले समान दुई विकेट लिएका थिए ।

यसअघि चितवनको लागि अफगानी १८ वर्षीय दाया हाते ब्याटर इशाखिलले ५२ बलमा ६ चौका र ३ छक्कासहित सर्वाधिक ६५ रन बनाए । यसबाहेक रवि बोपाराले १८ बलमा समान दुई चौका र छक्कासहित ३६ रन बनाएका हुन् ।

सुदूरपश्चिमका स्कट कुगुलेइनले चार ओभरमा २० रन खर्चिँदै २ विकेट लिए । ब्रान्डम म्याकमुलेन, दीपेन्द्रसिंह ऐरी र सैफ जैवले समान एक विकेट लिएका छन् ।