बागलुङ — समुद्री सतहदेखि करिब ४,००० मिटर उचाइमा रहेको देउरालीडाँडाबाट देखिने निसेलढोर हालसालै पर्यटकका लागि आकर्षक गन्तव्य बनेको छ। नेपालकै एक मात्र सिकार आरक्ष, ढोरपाटन सिकार आरक्षभित्र पर्ने निसेलढोर प्राकृतिक सौन्दर्य र दुर्लभ वन्यजन्तुको लागि प्रसिद्ध मानिन्छ।

यस क्षेत्रबाट हिमशृङ्खलाको अद्भुत दृश्य, हरियाली डाँडा र वन्यजन्तु अवलोकन गर्न सकिन्छ। उच्च उचाइको कारण यहाँ पुग्ने पर्यटकलाई पूर्वतयारीसहित जान सिफारिस गरिएको छ।