काठमाडौँ । नेपाल कम्युनिस्ट पार्टी (एमाले) को केन्द्रीय सचिवालय बैठक भक्तपुरस्थित गुन्डुमा सुरु भएको छ। बैठकमा हालै सम्पन्न निर्वाचनको समीक्षा तथा प्रतिनिधिसभाको समानुपातिकतर्फबाट सांसदको नाम टुंगो लगाउने विषयमा छलफल भइरहेको छ।बैठकमा पार्टी अध्यक्ष केपी शर्मा ओली पनि सहभागी भएका छन्।

बुबाको निधनको शोकमा रहेका ओली शनिबार सचिवालय बैठकमा सहभागी भएका हुन्।ओलीका बुबा मोहनप्रसाद ओली को शुक्रबार निधन भएको थियो। पारिवारिक शोककै बीचमा पनि पार्टीको महत्वपूर्ण बैठकमा उनी उपस्थित भएको एमाले नेताहरूले बताएका छन्।

यसैबीच निर्वाचन आयोग (नेपाल) ले प्रतिनिधिसभा सदस्य निर्वाचनअन्तर्गत समानुपातिक प्रणालीबाट निर्वाचित हुने उम्मेदवारहरूको नाम सिफारिस गर्न राजनीतिक दलहरूलाई आज समयसीमा दिएको छ। सोही कारण एमालेले पनि बैठकमार्फत समानुपातिक सूची टुंग्याउने तयारी गरेको बताइएको छ।