काठमाडौं । नेकपा (एमाले) भित्र केही समययता नेतृत्व परिवर्तन र पार्टी पुनर्गठनको एजेन्डा बोकेर उठेका आन्तरिक असन्तुष्टिहरू पूर्ण रूपमा साम्य भएका छन्। अध्यक्ष केपी शर्मा ओलीको विकल्प खोज्ने र कडा टक्कर दिने भनिएका नेताहरूले अन्तिम समयमा आँट गर्न नसक्दा अन्ततः ओलीकै नेतृत्वलाई स्वीकार गर्नुपर्ने बाध्यतामा पुगेका छन्।

विशेष गरी पार्टीभित्र रूपान्तरण र नयाँ रणनीतिको कुरा उठाउँदै आएका महासचिव शंकर पोखरेलसमेਤ ओलीको बलियो शक्ति सन्तुलन र राजनीतिक दबाबका सामु टिक्न नसकी पूर्ण रूपमा पछि हटेका छन्। पार्टीभित्र विरोधका स्वरहरू उठाउने अन्य नेताहरू पनि तटस्थ वा निरीह बनेपछि एमालेभित्र अध्यक्ष ओलीको एकाधिकार र नेतृत्व अझै बलियो रूपमा स्थापित भएको विश्लेषकहरूको ठम्यााइ छ। यस घटनाले दलीय राजनीतिमा व्यक्तिगत पकड र प्रभावका सामु वैचारिक असन्तुष्टिहरू कसरी निमेषभरमै विलिन हुन्छन् भन्ने कुरा पुनः एकपटक प्रष्ट पारेको छ।