‘महिला चाहे स्वदेशी होस् कि विदेशी, आखिर यो धर्तीकी आमा हुन् । देखेका सबै कुरा सत्य नहुन पनि सक्छन्, तर सत्य जसरी बाहिर छरपस्ट आइरहेका कुराहरूको अनुसन्धान भने पक्कै हुनुपर्छ,’ तामाङले सामाजिक सञ्जालमा लेखेकी छन्, ‘महिलासँग जोडिएको मातृत्वजस्तो संवेदनशील कुरा झन् प्रमाणसहित अनुसन्धान हुन जरुरी छ ।’   पार्टीभन्दा ठूलो देश र देशभन्दा पनि ठूलो संसार भएको उल्लेख गर्दै तामाङले कसैलाई पनि अन्याय हुन नहुने बताएकी छन् ।

मोरङ– २ बाट प्रतिनिधिसभा सदस्यमा निर्वाचित कृष्णकुमार कार्कीमाथि एक नाइजेरियन युवतीलाई गर्भवती बनाएर अलपत्र पारेको आरोप लागेको छ । सञ्चारमाध्यममार्फत यो विषय बाहिर आएपछि मंगलबारको संसद बैठकमा पनि यसबारे प्रश्न उठेको थियो ।