काठमाडौं । नेपाली कांग्रेसका नवनिर्वाचित सभापति गगनकुमार थापाले आज दिउँसो सानेपास्थित केन्द्रीय कार्यालयबाट देशवासी र सञ्चार जगत्‌लाई लक्षित गरी विशेष सम्बोधन गर्दैछन्।
१५औँ महाधिवेशनबाट निर्वाचित केन्द्रीय कार्यसमितिले पदबहाली गरेलगत्तै बोलाइएको पदाधिकारीहरूको आपत्कालीन बैठकपछि थापाले सरकारको निरङ्कुश रवैया, साइबर ब्युरो प्रयोग गरेर पत्रकारहरूमाथि गरिएको पञ्चायतकालीन धरपकड र देशको बिग्रँदो आर्थिक(राजनीतिक अवस्थाबारे पार्टीको आधिकारिक धारणा सार्वजनिक गर्नेछन्।

नेपाल प्रेसका पत्रकारहरूलाई कार्यालयभित्रै पसेर पक्राउ गर्ने, समाचारको स्रोत माग्ने र न्यायिक(बिचौलिया सेटिङ ढाकछोप गर्न प्रहरी प्रशासनको दुरुपयोग गर्ने बालेन सरकारको कदमविरुद्ध कांग्रेसले सडक र सदनबाट कडा प्रतिवाद गर्ने रणनैतिक खाका तय गरेको छ।
देउवा पक्ष र इतर गुटको दाबीबीच सानेपाको पूर्ण वैधानिक नेतृत्व सम्हालेका गगन थापाले आजको सम्बोधनमार्फत सरकारका स्वेच्छाचारी निर्णयहरूमाथि सिधा प्रहार गर्दै कांग्रेसलाई सडक आन्दोलनको अग्रमोर्चामो उभ्याउने संकेत दिएका छन्।