सिन्धुली ।
बीपी राजमार्ग अन्तर्गत सिन्धुलीको सुनकोशी गाउँपालिका–३ बोहोरेटार नजिक भ्यान दुर्घटना हुँदा १० जना घाइते भएका छन्।

शिक्षक आन्दोलनमा सहभागी हुन काठमाडौं आउँदै गरेका राहत शिक्षक चढेको भ्यान दुर्घटनामा परेको हो।

सिन्धुलीबाट काठमाडौंतर्फ आइरहेको मधेश प्रदेश ०४–००१ ज ००६२ नम्बरको इलेक्ट्रिक भ्यान आज बिहान ८ बजे सडक किनारको नालीमा पल्टिएको हो।

घाइतेहरुलाई थप उपचारका लागि धुलिखेलतर्फ पठाइएको सिन्धुली प्रहरीले जनाएको छ। चालकलाई प्रहरीले नियन्त्रणमा लिएको छ। घाइतेको अवस्था सामान्य रहेको सिन्धुली प्रहरी प्रवक्ता प्रहरी नायव उपरीक्षक चिरन्जीवी दाहालले जानकारी दिए।