काठमाडौं ।

काठमाडौंको नयाँ बानेश्वर स्थित बागमती नदी किनारमा युवकको शव भेटिएको छ ।

बुद्धनगर बस्ने २० वर्षीय बिमल महरा नदी किनारको झाडीमा मृत भेटिएका हुन् ।

घटनास्थलमा प्रहरी वृत्त बानेश्वरको टोली पुगेर अनुसन्धान थालेको छ । घटनास्थलमा रगत र सिरिन्ज भेटिएको जिल्ला प्रहरी परिसर काठमाडौँका एक जना अधिकृतले रातोपाटीलाई बताए ।

उनी लागु औषध प्रयोगकर्ता भएको प्रारम्भिक अनुसन्धानबाट थाहा भएको छ । घटनाबारे थप अनुसन्धान भइरहेको प्रहरीले जानकारी दिएको छ ।