काठमाडौं । नेकपा एमालेले पूर्वराष्ट्रपति विद्यादेवी भण्डारीलाई पार्टी सदस्यता दिने निर्णय गरेको छ ।

सोमबार गुण्डुमा बसेको पार्टी सचिवालय बैठकले उक्त निर्णय गरेको उपमहासचिव लेखराज भट्टले जानकारी दिए ।

गत वर्षको पुस महिनामा भएको एमाले महाधिवेशनमा भण्डारीको सदस्यतासम्बन्धी विवाद उत्कर्षमा पुगेको थियो ।

दुईपटक राष्ट्रपति बनेपछि उनले आफूले एमालेको सदस्यता नवीकरण गरेको र सक्रिय राजनीतिमा फर्किएको सार्वजनिक रूपमा बताएकी थिइन् । भण्डारीको पक्षमा एमालेको तत्कालीन सचिवालय टिमका अधिकांश सदस्य भण्डारीको पक्षमा खुल्न थालेपछि अध्यक्ष केपी ओली पक्षले सदस्यता दिनबाट रोकेको थियो ।

ओलीले “भण्डारी एमालेको सदस्य होइन” र “सदस्यता नवीकरण हुँदैन” भन्ने अभिव्यक्तिसमेत दिएका थिए । भण्डारी फेरि सक्रिय राजनीतिमा आएर पार्टी नेतृत्वमा प्रभाव बढाउन खोजिरहेको बुझाइ ओली पक्षको थियो ।

तर, गत भदौ २३ र २४ गते भएको जेन जी आन्दोलनबाट आफू प्रधानमन्त्रीबाट अपदस्थ, आन्दोलनमा बलजफ्ती कम गर्न आवश्यक भूमिका नखेलेको आरोपमा पक्राउ परेपछि ओली रक्षात्मक अवस्थामा पुगेका छन् । सोही बेलामा ओलीले भण्डारीलाई सदस्यता दिने निर्णय गरेका हुन् ।