काठमाडौँ । द हङकङ सुपर सिक्सेस प्रतियोगिताको क्वाटरफाइनलमा नेपालले आज श्रीलंकाको सामना गर्ने भएको छ।

नेपाली समय अनुसार आज दिउँसो १:३५ बजे सुरु हुने छ । नेपाल समूह ‘बी’ बाट विजेता बन्दै क्वाटरफाइनलमा प्रवेश गरेको हो ।

समूह ‘बी’ मा नेपालले इङ्ग्ल्याण्ड र अस्ट्रेलियालाई पराजित गरेर शीर्ष स्थानमा रहेको छ। शुक्रवार इङ्ग्ल्याण्डलाई ६ विकेटले हराएको नेपालले शनिवार अस्ट्रेलियालाई ११ रनले पराजित गरेको थियो।

१२ टोली सहभागी प्रतियोगितामा न्युजिल्यान्ड, इंगल्यान्ड, भारत क्वाटरफाइनल पुग्न असफल भए। एसोसिएटेड टोलीहरू हङकङ, नेपाल र युएइले भने क्वाटरफाइनलमा स्थान बनाए।